តូក្យូអូឡាំពិក ២០២០ ត្រូវបានពន្យាពេល ទៅឆ្នាំក្រោយ

តូក្យូ - គណៈកម្មាធិការអូឡាំពិកអន្តរជាតិ IOC បានប្រកាសពីការពន្យារពេលនៃព្រឹត្តិការណ៍ អូឡាំពិក​រដូវក្តៅ ដំបូង​កាលពីថ្ងៃអង្គារ ដោយបង្ហាញឱ្យឃើញពីភាពពិតនៃជម្ងឺឆ្លងរាតត្បាត ដែលកំពុង​បិទជីវិតប្រចាំថ្ងៃ នៅជុំវិញពិភពលោក ហើយដែលថាគំរោងផែនការសម្រាប់ ការប្រមូលផ្តុំទូទាំងពិភពលោក ដ៏ធំមួយ​នៅក្នុងខែកក្កដានេះគឺមិនអាចទៅរួចឡើយ។

គណៈកម្មាធិការអូឡាំពិកអន្តរជាតិបាននិយាយថាព្រឹត្តិការណ៍កីឡាអូឡាំពិកទីក្រុងតូក្យូ​ “ ត្រូវកំណត់ពេលវេលាឱ្យហួសពីឆ្នាំ ២០២០ ប៉ុន្តែមិនយូរជាងរដូវក្តៅឆ្នាំ ២០២១ ឡើយ  ដើម្បីការពារសុខភាពរបស់អត្តពលិក អ្នកចូលរួមទាំងអស់នៅក្នុងអូឡាំពិក និងសហគមន៍អន្តរជាតិ” ។

IOC បាននិយាយនៅក្នុងសេចក្តីថ្លែងការណ៍មួយ ដែលត្រូវបានចេញផ្សាយបន្ទាប់ពីប្រធាន IOC លោក​ បាច តូម៉ាស បានធ្វើទំនាក់ទំនងតាមទូរស័ព្ទជាមួយនាយករដ្ឋមន្រ្តីជប៉ុន លោក អាបិ ស៊ីនហ្សូ កាលពីរាត្រីថ្ងៃអង្គារថា “មេដឹកនាំទាំងអស់បានឯកភាពថាអូឡាំពិក នៅទីក្រុងតូក្យូ អាចឈរជានិមិត្តរូបនៃក្តីសង្ឃឹម”។

លោក អាបេ បាននិយាយថាលោកបានស្នើសុំការពន្យារពេលមួយ “ ស្ថិតលើពិចារណា​លើកាលៈទេសៈបច្ចុប្បន្ន” និងដើម្បីធានាបរិយាកាសដែលអត្តពលិកអាចធ្វើបានល្អបំផុត ហើយហ្វូងមនុស្សអាចមានសុវត្ថិភាព និងសន្តិសុខ។

លោកបានបន្ថែមទៀតថាលោកសង្ឃឹមថានឹងរៀបចំព្រឹត្តិការណ៍អូឡាំពិចឡើងវិញ ដើម្បីជាភស្តុតាងនៃជ័យជំនះរបស់មនុស្សចំពោះជម្ងឺឆ្លងរាតត្បាតនេះ។