រដ្ឋាភិបាលជប៉ុនបានប្រកាសរឹតបន្តឹងទិដ្ឋាការ ដល់ពលរដ្ឋទូទាំងពិភពលោក រួមទាំងកម្ពុជា
ភ្នំពេញ - តាមព័ត៌មានបន្ទាន់របស់ស្ថានទូតជប៉ុនប្រចាំនៅកម្ពុជា បានចេញផ្សាយនាល្ងាចថ្ងៃទី១ ខែមេសា ឆ្នាំ ២០២០ ថា៖
[ព័ត៌មានបន្ទាន់៖ ការរឹតបន្តឹងថ្មីនៃច្រកព្រំដែនរបស់រដ្ឋាភិបាលជប៉ុន]
ជូនចំពោះអ្នកកាន់ទិដ្ឋាការជប៉ុនទាំងឡាយ
នៅថ្ងៃទី១ ខែមេសា រដ្ឋាភិបាលជប៉ុនបានប្រកាសពីការរឹតបន្តឹងទិដ្ឋាការសម្រាប់ប្រជាពលរដ្ឋទូទាំងពិភពលោក រួមបញ្ចូលទាំងកម្ពុជាផងដែរ ក្នុងគោលបំណងការពារការរាតត្បាត នៃវីរុសកូរ៉ូណា។
ការរឹតបន្តឹងនេះរួមបញ្ចូលទាំងការផ្អាកបណ្ដោះអាសន្ននូវទិដ្ឋាការមានសុពលភាព ដែលត្រូវបាន ផ្ដល់ជូនដោយស្ថានទូតជប៉ុនទាំងអស់នៅទូទាំងពិភពលោក។
សេចក្ដីសម្រេចនេះនឹងត្រូវបានអនុវត្តចាប់ពីថ្ងៃទី៣ ខែមេសា ម៉ោង ០០:០០ រហូតដល់ចុងខែមេសា ឆ្នាំ២០២០។
ប្រសិនបេីលោក លោកស្រីមានគម្រោងទៅដល់ប្រទេសជប៉ុនក្រោយថ្ងៃទី៣ ខែមេសា ម៉ោង ០០:០០ តទៅ (ឧទាហរណ៍៖ អ្នកដែលនឹងចេញដំណេីរតាមជេីងហោះហេីរ ANA នៅថ្ងៃទី២ ខែមេសា) នោះលោក លោកស្រីនឹងមិនត្រូវបានអនុញ្ញាតអោយធ្វេីការហោះហេីរទេ ដោយសារតែ ទិដ្ឋាការរបស់លោក លោកស្រីត្រូវបានផ្អាក។
ព័ត៌មានលម្អិតនឹងត្រូវបានចែករំលែកនៅថ្ងៃស្អែក។
ប្រភព https://www.facebook.com/JapanEmbassyCambodia
