វិធីដាក់ពាក្យសុំប្រាក់ឧបត្ថម្ភ ១០ម៉ឺនយ៉េន សម្រាប់អ្នករស់នៅជប៉ុន

រដ្ឋាភិបាលជប៉ុនបានសម្រេចផ្តល់ជាប្រាក់ឧបត្ថម្ភចំនួន ១០ម៉ឺន យេន ដល់ប្រជាពលរដ្ឋគ្រប់រូបដែលរស់នៅប្រទេសជប៉ុន។ ហើយ ការដាក់ពាក្យស្នើសុំប្រាក់ឧបត្ថម្ភនេះបានចាប់ផ្តើមពីថ្ងៃទី ២៧ ខែមេសា ឆ្នាំ ២០២០មកម្លេះ។ ការដាក់ពាក្យសុំមាន ២ របៀប៖ ការដាក់ពាក្យសុំតាមប្រៃសណីយ៍ និងការដាក់ពាក្យសុំតាមអ៊ីនថ័រណិត។

ការដាក់ពាក្យសុំតាមប្រៃសណីយ៍អាចធ្វើទៅបាន ក្រោយពីទទួលបានសំបុត្រអញ្ជើញអោយដាក់ពាក្យពីសាលាក្រុងឃុំសង្កាត់ដែលពាក់ព័ន្ធ។ សម្រាប់ការដាក់ពាក្យតាមអ៊ីនថ័រណិត (អនឡាញ) មានភាពមមាញឹកពេក ទើបមានភាពរអាក់រអួលប៉ុន្មានថ្ងៃ។ ប៉ុន្តែ ឥឡូវនេះអ្នកអាចដាក់ពាក្យតាមអនឡាញបានហើយ។

វិធីដាក់ពាក្យតាមអ៊ីនថ័រណិត (សម្រាប់អ្នកដែលមាន ប័ណ្ណម៉ាយណាំប៊ឺ)

ដើម្បីដាក់ពាក្យសុំតាមរយៈ MynaPortal បាន អ្នកត្រូវរៀបចំឯកសារពាក់ព័ន្ធដូចជា៖

១.ប័ណ្ណម៉ាយណាំប៊ឺ សំរាប់អ្នកដាក់ពាក្យ (មេគ្រួសារ)
*សម្រាប់តែមេគ្រួសារប៉ុណ្ណោះអាចដាក់ពាក្យតាមអ៊ីនថ័រណិតបាន។
*មេគ្រួសារអាចដាក់ពាក្យសុំឲ្យសមាជិកក្នុងគ្រួសារទាំងអស់បាន (រួមបញ្ចូលទាំងអ្នកដែលគ្មាន ប័ណ្ណម៉ាយណាំប៊ឺ)។
*សូមចងចាំថា ការដាក់ពាក្យសុំយក និងទទួលបានប័ណ្ណម៉ាយណាំប៊ឺ ត្រូវចំណាយពេល ១ខែ។

២.ទូរស័ព្ទឆ្លាត (ឬកុំព្យូទ័រ និងម៉ាស៊ីនអានប័ណ្ណ) ដែលអាចអានប័ណ្ណម៉ាយណាំប៊ឺបាន
ប្រភេទទូរស័ព្ទដែលអាចអានប័ណ្ណម៉ាយណាំប៊ឺបាន ចុចត្រង់នេះ

៣.ស្វែងរក និងបញ្ចូលកម្មវិធី MynaPortal AP
សម្រាប់កុំព្យូទ័រ
សម្រាប់ទូរស័ព្ទអាយហ្វូន iOS